सुर्खेत । राष्ट्रिय प्रजातन्त्र पार्टीको भातृ संगठन राष्ट्रिय प्रजातान्त्रिक विद्यार्थी संगठन, मध्यपश्चिम विश्वविद्यालय इकाई कमिटीको अध्यक्षमा सन्देश शाही चयन भएका छन् ।
आइतबार सम्पन्न भएको भेलाले शाहीको अध्यक्षतामा १३ सदस्यीय इकाई कमिटी गठन गरेको हो । राप्रपाका युवा नेता प्रेम बिसीको प्रमुख अतिथ्यतामा भेला सम्पन्न भएको थियो ।
उक्त भेलाले अध्यक्षमा सन्देश शाही, उपाध्यक्षमा पारसविक्रम शाही, सचिव गणेशप्रसाद शर्मा, कोषाध्यक्ष संगीता कुमारी शाही र सदस्यहरूमा उपेन्द्र शाही, अनिल लामा, आयुष कुमार थापा, सरोज शाही, खगेन्द्र बस्नेत, रोशनी रावत, नरेश बहादुर शाही, सुशील शाही र सन्तोष शाही चयन गरेको हो ।
इकाइको प्रमुख सल्लाहकारमा पारस सिंह र सल्लाहकारहरुमा उत्सव शाही, निशल थापा र टिकराम सुवेदी रहेका छन् ।
प्रतिक्रिया
सम्बन्धित खवर
